IniciosociedadeSoben a 35 os positivos no brote da Mariña, con dous ingresados

Soben a 35 os positivos no brote da Mariña, con dous ingresados

Realizáronse máis de 500 probas PCR e máis de 400 persoas permanecen en seguimento domiciliario malia seren negativos

Publicada o

- Advertisement -

A Consellería de Sanidade confirmou que segundo as probas realizadas ata esta mañá confírmanse outros dous casos positivos de persoas afectadas por coronavirus no brote da Mariña Lucense, o que eleva a 35 o número total de casos detectados.

O primeiro caso de infección por Covid-19 detectouse na tarde do martes 23 de xuño, nun núcleo familiar do concello de Xove. Posteriormente documentáronse focos de contaxio en Burela e Foz, principalmente, aínda que o Servizo Galego de Saúde (Sergas) concreta que os 35 contaxios teñen relación. Realizáronse “máis de 500 PCR“, segundo a Consellería de Sanidade.

Dos 35 casos positivos a maioría son asintomáticos ou presentan síntomas de carácter leve, e teñen a obriga de gardar corentena durante 14 días. Ao varón residente en Burela ingresado días atrás por Covid-19, únese outra persoa hospitalizada no Hospital Público da Mariña. A evolución de ambas “é favorable”, segundo o Sergas.

As persoas cuxas probas deron resultado negativo permanecen en seguimento no seu domicilio. A Consellería de Sanidade segue a investigar posibles contactos dos novos positivos que van xurdindo.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...